مرکز اطلاعات فلسطین کے مطابق اقوام متحدہ کے ترجمان اسٹیفن ڈوگارریک نے ’’اونروا‘‘ کی جانب سے جاری نقل کیا جس میں بتایا ہے کہ ملالہ یوسف زائی ایجنسی کے ذریعے غزہ کی پٹی میں چھوٹے بچوں کے ایک اسکول کی مکمل تعمیر کے لیے پچاس ہزار ڈالر کی رقم عطیہ کرے گی۔
سویڈن کے شہر اسٹاک ہوم میں عالمی چلڈرون ایوارڈ وصول کرنے کی ایک تقریب سے خطاب کرتے ہوئے ملالہ کا کہنا تھا کہ دنیا کے تمام بچوں کو حصول علم کا حق ہے۔ فلسطینی بچوں سے بھی تعلیم کا حق کوئی سلب نہیں کر سکتا ہے۔
اقوام متحدہ کی ریلیف ایجنسی’’اونروا‘‘ کے ہائی کمشنر پییر کراھنپول نے ملالہ کی جانب سے پچاس ہزار ڈالر کی رقم عطیہ کرنے کا خیر مقدم کیا ہے اور کہا ہے کہ اس رقم سے اسرائیلی بمباری کے نتیجے میں اسکولوں سے محروم ہونے والے طلباء کو چھت فراہم کرنے میں مدد ملے گی۔ انہوں نے کہا کہ ملالہ کے عطیے سے غزہ کی پٹی میں جنگ سے متاثرہ ہزاروں طلباء اور اساتذہ کی حوصلہ افزائی ہو گی۔
بشکریہ:مرکزاطلاعات فلسطین