(روزنامہ قدس ۔آن لائن خبر رساں ادارہ) صہیونی شرپسندوں نے اسرائیلی اہلکاروں کی سرپرستی میں مظاہرین سمیت فلسطینی صحافیوں کو زدو کوب کیا اور ان کے کیمرے چھیننے کی کوشش کی جس کے نتیجے میں 3 صحافیوں سمیت مقامی فلسطینی شدید زخمی ہوگئے۔
تفصیلات کے مطابق گذشتہ روز قابض ریاست اسرائیل میں صہیونی شر پسند عناصر کی جانب سے مقبوضہ مغربی کنارے میں وادی اردن میں فلسطینی صحافیوں پراس وقت حملہ کیاگیا جب وہ وسطیٰ فلسطین میں انتہا پسند آباد کاروں کی فلسطینی مظاہرین پر ہونے والی انتقامی کارروائیوں کی تصاویر بنا رہے تھے۔
صہیونی آبادکاروں نے اسرائیلی اہلکاروں کی سرپرستی میں مظاہرین سمیت فلسطینی صحافیوں کو زدو کوب کیا اور ان کے کیمرے چھیننے کی کوشش کی جس کے نتیجے میں 3 صحافیوں سمیت مقامی فلسطینی شدید زخمی ہوگئے بعد ازاں زخمی فلسطینیوں کو ہلا ل احمر کی ٹیموں نے ابتدائی طبی امداد فراہم کی جبکہ شدید نوعیت کے زخموں کے لیے قریبی ہسپتال منتقل کیا۔
اب تک کی موصول ہونے والی اطلاعات کے مطابق فلسطینی مظاہرین اور صحافیوں پر حملہ کر نے والے صہیونی آبادکاروں کے خلاف فلسطینیوں کی جانب سے اسرائیلی قانونی مراکز میں کسی قسم کی رپورٹ درج نہیں کی جا سکی ہے۔
