پشاور: فلسطین فاؤنڈیشن کے وفد کی بشپ ایلون سے ملاقات، فلسطین کی صورتحال پر تبادلہ خیال

پشاور (روزنامہ قدس ـ آنلائن خبر رساں ادارہ) فلسطین فاؤنڈیشن پاکستان کے سیکرٹری جنرل ڈاکٹر صابر ابو مریم نے پشاور میں چرچ آف پاکستان، ڈایوسیس پشاور کے موڈریٹر کمسری بشپ ایلون سیموئیل سے ملاقات کی۔ اس موقع پر ایڈووکیٹ غزنفر کاظمی اور سید اظہر علی شاہ بھی موجود تھے۔

ملاقات کے دوران فلسطین اور لبنان کی صورتحال، اور ایران و امریکہ کے درمیان کشیدگی پر تفصیلی تبادلہ خیال کیا گیا۔ شرکاء نے امن، انصاف اور بین المذاہب ہم آہنگی کے فروغ پر زور دیا۔

اس موقع پر فلسطین فاؤنڈیشن پاکستان کی سرگرمیوں پر بھی بریفنگ دی گئی۔

ملاقات میں مسیحی برادری کے ارکان نے بھی شرکت کی جن میں ریورنڈ شہزاد مراد، ریورنڈ یوسف ٹی ایم اعظم، ریورنڈ عامر ولیم، مسٹر محمود جان اور مسٹر یوسف یعقوب شامل تھے۔

شرکاء نے عالمی امن، مکالمے اور باہمی احترام کے ذریعے استحکام کے فروغ پر اتفاق کیا۔