(روزنامہ قدس ۔آن لائن خبر رساں ادارہ) قصی علیان کو صہیونی عدالت کی جانب سے چند روز قبل ہی بے گناہ قرار دیتے ہوئے رہا کیا تھاتاہم گذشتہ صبح اس کے گھر پر صہیونی عدالت کی جانب سے ایک اور نوٹس دیا گیا جس میں اسے اس الزعیم نامی اسرائیلی فوجی چوکی پر تفتیش کیلیے بلایا گیا تھا۔
تفصیلات کے مطابق اسرائیلی قابض فوج نے آج شام مقبوضہ مغربی کنارے میں واقع الزعیم فوجی چوکی پر تفتیشی نوٹس پر پہنچنے والے فلسطینی نوجوان قصی عبدالعلیان کو گرفتار کر لیا ہے۔
واضح رہے کہ قصی علیان کو صہیونی عدالت کی جانب سے چند روز قبل ہی بے گناہ قرار دیتے ہوئے رہا کیا تھاتاہم گذشتہ صبح قصی کے گھر پر صہیونی عدالت کی جانب سے ایک اور نوٹس دیا گیا جس میں اسے اس الزعیم نامی اسرائیلی فوجی چوکی پر تفتیش کیلیے بلایا گیا تھا۔
گرفتار ہونے والے فلسطینی نوجوان کے خاندان کا کہنا ہے کہ اس سے قبل قصی کو مزاحمتی کالعدم تنظیم کے ساتھ تعلق کی بنیاد بناکر صہیونی فوج نے اغوا کیا تھا اور مہینوں جیل میں تشدد کا نشانہ بنایا تھاجتاہم الزامات ثابت نہ ہونے پر عدالت نے اسے رہائی کا فیصلہ سنایا تھا۔
