(روزنامہ قدس ۔آن لائن خبر رساں ادارہ) صہیونی ریاست کے بائیکاٹ کی عالمی تحریک بی ڈی ایس کے کارکنوں نےہال میں داخل ہوکر اسرائیل مخالف نعرے لگائے اور فلسطینیوں پر مظالم سے متعلق پلے کارڈزلہرائے جس کے نتیجے میں ہنگامہ آرائی شروع ہو گئی اور اسرائیلی افسران بھاگنے پر مجبور ہو گئے۔
تفصیلات کے مطابق گزشتہ روز نیوجرسی کی اسٹاکٹن یونیورسٹی میں قابض ریاست اسرائیل کے صہیونی فوجی افسران کو اپنے تجربات بیان کرنے کے لیے خصوصی لیکچر کی دعوت دی گئی تھی جس پر لیکچر دینے کیلیے صہیونی افسر نے جیسے ہی ڈائس پر قدم رکھا
صہیونی ریاست کے بائیکاٹ کی عالمی تحریک بی ڈی ایس کے کارکنوں نےہال میں داخل ہوکر اسرائیل مخالف نعرے لگائے اور فلسطینیوں پر مظالم سے متعلق پلے کارڈزلہرائے جس کے نتیجے میں ہنگامہ آرائی شروع ہو گئی اور اسرائیلی افسران بھاگنے پر مجبور ہو گئے۔
مزید تفصیلات کے مطابق بی ڈی ایس کے کارکنان اپنے ہاتھوں میں اسرائیلی فوجیوں کے ہاتھوں مارے جانے والے فلسطینی بچوں کی تصاویر لے کر اس ہال میں داخل ہوگئے جہاں ، اسرائیلی فوجی افسران کو اپنے تجربات بیان کرنے کی دعوت دی گئی تھی جس کے نتیجے میں صہیونی افسران کو لیکچر سے روک دیا گیا اور سیکیورٹی کے تحفظ میں ہال سے باہر نکالا گیا، یونیورسٹی کی انتظامیہ نے یونیورسٹی پولیس سے مظاہرین کے خلاف ایکشن لینے کی درخواست کی تھی تاہم پولیس نے ایسا کرنے سے گریز کیا۔
خیال رہے کہ بی ڈی ایس فلسطینیوں کی حمایت میں قائم کی جانے والی ایک عالمی تحریک ہے اور اس کی زیادہ تر سرگرمیاں یورپی ممالک میں ہیں۔ یہ تنظیم عالمی سطح پراسرائیلی مصنوعات اور اسرائیل میں سرمایہ کاری کے بائیکاٹ کا مطالبہ کرتی ہے۔