نیتن یاہو کی ڈھٹائی: لبنان سے امن فوج کو نکالنے کا مطالبہ

(روز نامہ قدس ۔آنلائن خبر رساں ادارہ) غیر قانونی صیہونی ریاست اسرائیل کے وزیراعظم نیتن یاہونے لبنان میں اقوام متحدہ کی امن فوج کو نشانہ بنانے پر تاریخی ڈھٹائی کا مظاہرہ کرتےہوئے لبنا ن میں حملے نہ کرنے کی عالمی درخواستوں کو مسترد کریا۔

صیہونی میڈیا رپورٹ کے مطابق صیہونی ریاست کے وزیراعظم نے کہا ہے کہ حزب اللہ جنگ زدہ علاقوں میں امن فوج کے اہلکاروں کو انسانی ڈھال کے طور پر استعمال کررہی ہے اس لیے اقوام متحدہ انھیں واپس بلائے۔وزیرِاعظم نیتن یاہو نے لبنان میں اقوام متحدہ کی امن فوجیوں کے اہلکاروں کے اسرائیلی فوج کے حملوں میں ہونے والے زخمیوں کی تعداد میں اضافے کے باوجود حملے نہ کرنے کی عالمی برادری کے مطالبے کو مسترد کر دیا۔ نیتن یاہونے کہا کہ ہم پہلے ہی کہہ چکے ہیں کہ حزب اللہ کے ٹھکانوں پر حملے جاری رہیں گے۔

اگر آپ امن فوجوں کو نہیں ہٹاتے تو آپ انھیں حزب اللہ کا یرغمال بنا دیں گے۔نیتن یاہو نے کہا کہ امن فوجیوں کی حفاظت کو یقینی بنانے کا آسان طریقہ یہ ہے کہ انہیں جنگ کے علاقے سے باہر نکالا جائے۔یاد رہے کہ اسرائیل کے لبنان میں حزب اللہ کے ٹھکانوں پر حملے میں اقوام متحدہ کی امن فوج کے 6 اہلکار زخمی ہوچکے ہیں جن میں اسے ایک کی حالت نازک ہے۔