بیروت – (روزنامہ قدس ـ آنلائن خبر رساں ادارہ) لبنان کی وزارتِ صحت نے اعلان کیا ہے کہ دو مارچ سنہ 2026ء سے لبنان پر جاری اسرائیلی عسکری جارحیت کے نتیجے میں شہداء کی تعداد 4321 ہو گئی ہے۔
وزارت نے ایک مختصر بیان میں کہا کہ دو مارچ سنہ 2026ء سے نو جولائی سنہ 2026ء تک اسرائیلی جارحیت کے نتیجے میں شہید ہونے والوں کی تعداد 4321 اور زخمیوں کی تعداد 12204 تک پہنچ گئی ہے۔
جنگ بندی کے سابقہ مساعی اور معاہدوں، بشمول سترہ اپریل سنہ 2026ء کے معاہدے کے باوجود اسرائیلی فضائی حملوں اور عسکری کارروائیوں کا سلسلہ جاری رہنے کی وجہ سے شہداء اور زخمیوں کی تعداد میں مسلسل اضافہ ہو رہا ہے، جبکہ زمینی سطح پر بھی خلاف ورزیاں ریکارڈ کی جا رہی ہیں۔
بدھ کی رات اور جمعرات کی صبح جنوبی لبنان میں عسکری کشیدگی میں تیزی دیکھی گئی، جس کے دوران قابض اسرائیل کی فوج نے قصبہ الخیام اور طیبہ کے اندر سلسلہ وار دھماکے کیے۔ اس کے ساتھ ساتھ توپ خانے سے گولہ باری کی گئی اور دارالحکومت بیروت کے اوپر ڈرونز کی پروازیں بھی جاری رہیں۔
