انقرہ – (روزنامہ قدس ـ آنلائن خبر رساں ادارہ) اسلامی تحریک مزاحمت ’حماس‘ کے سیاسی بیورو کے سربراہ خلیل الحیہ اور تحریک کی قیادت کے ایک وفد نے ترکیہ کے وزیر خارجہ ہاکان فدان سے ملاقات کی اور دونوں فریقوں نے مقبوضہ فلسطینی علاقوں میں آخری سیاسی، میدانی اور انسانی پیش رفت، اور مختلف سطحوں پر ہمارے فلسطینی عوام کے حقوق کی حمایت اور مدد میں ترک کردار پر تبادلہ خیال کیا۔
حماس کے وفد میں بین الاقوامی تعلقات کے دفتر کے سربراہ موسیٰ ابو مرزوق، عرب اور اسلامی تعلقات کے دفتر کے سربراہ باسم نعیم اور ترکیہ میں تحریک کے نمائندے موسیٰ عکاری بھی شامل تھے۔
قیادت کے رکن خلیل الحیہ نے قابض صہیونی بمباری اور مسلسل خطرات، تباہی، نقل مکانی اور بنیادی ضروریات کی کمی کے نتیجے میں ہمارے عوام کی بڑھتی ہوئی انسانی مصیبت، قابض ریاست کو طے شدہ معاہدوں پر پابند کرنے اور اس کی خلاف ورزیوں کو روکنے میں امن کونسل کے کردار، اس کے علاوہ غزہ کی امداد میں اس کے کردار کے تناظر میں غزہ کی پٹی کے حالات کا جائزہ لیا۔
ملاقات میں مغربی کنارے، مقبوضہ بیت المقدس اور بابرکت مسجد اقصی میں قابض صہیونی کے جاری کشیدگی، اسیران کے خلاف قابض ریاست کی خلاف ورزیوں پر بھی تبادلہ خیال کیا گیا۔
خلیل الحیہ نے زور دیا کہ ان کی جماعت فلسطینی قومی اتحاد کے حصول کے لیے کوشاں ہے اور ایک جامع قومی مکالمے میں شرکت کے لیے تیار ہے ۔فلسطینی قومی اداروں کی تعمیر نو پر اتفاق رائے اور ایک جامع قومی پروگرام پر اتفاق کا باعث بنے، جو ہمارے عوام کے استحکام کو تقویت دے اور چیلنجوں کا مقابلہ کرنے میں اس کے حقوق کا تحفظ کرے۔
خلیل الحیۃ نے سیاسی، سفارتی اور انسانی سطحوں پر فلسطینی کاز کی حمایت میں جمہوریہ ترکیہ اور صدر رجب طیب اردگان کے مواقف کو سراہا، اور ہمارے عوام کی حمایت کرنے اور ان کی مصیبتوں کو ختم کرنے کے لیے کام کرنے میں اس کردار کو جاری رکھنے کی اہمیت پر زور دیا۔
دوسری جانب ترک وزیر خارجہ نے مختلف فلسطینی پیش رفت کے بارے میں مسلسل رابطے اور مشاورت کی اہمیت پر زور دیا اور جارحیت کو روکنے، معاہدوں کی پابندی کو یقینی بنانے اور ہنگامی انسانی ضروریات کو پورا کرنے کے لیے جاری کوششوں کو جاری رکھنے کے ساتھ ساتھ فلسطینی قومی اتحاد کے حصول کی غرض سے کی جانے والی مساعی کی حمایت کی بھی یقین دہانی کرائی۔
