جنوبی لبنان میں مزاحمتی حملہ، ایک اور اسرائیلی فوجی ہلاک

تل ابیب – (روزنامہ قدس ـ آنلائن خبر رساں ادارہ) قابض اسرائیلی ذرائع ابلاغ نے انکشاف کیا ہے کہ جنوبی لبنان میں غاصب فوج کے ایک دستے کو نشانہ بنانے والے زوردار دھماکے میں شدید زخمی ہونے والا فوجی زخموں کی تاب نہ لاتے ہوئے انجام کو پہنچ گیا ہے۔

عبرانی ویب سائٹ حدشوت للو تسنزورا نے تفصیلات بتاتے ہوئے کہا ہے کہ یہ قابض فوجی ان مہلک زخموں کی وجہ سے ہلاک ہوا ہے جو اسے گذشتہ روز جنوبی لبنان میں قابض فوجیوں کی ایک ٹکڑی پر ہونے والے بم دھماکے کے نتیجے میں آئے تھے۔

اسی تناظر میں امریکی صدر ڈونلڈ ٹرمپ نے گذشتہ جمعرات کی شام قابض اسرائیل اور لبنان کے درمیان 10 روزہ عارضی سیز فائر کا اعلان کیا تھا اور یہ اقدام دو مارچ سنہ 2026ء سے جاری غاصب دشمن کی اس وسیع پیمانے پر جاری سفاکانہ جارحیت کے بعد سامنے آیا ہے جس نے پورے خطے کو اپنی لپیٹ میں لے رکھا ہے۔

سرکاری سطح پر موصول ہونے والے تازہ ترین اعداد و شمار انتہائی دل دہلا دینے والے ہیں جن کے مطابق گذشتہ 45 دنوں کے دوران صہیونی سفاکیت کے نتیجے میں 2294 بے گناہ انسانوں کا خون بہایا گیا اور 7544 افراد زخمی ہوئے ہیں جبکہ غاصبانہ قبضے اور نسل کشی کی اس مہم کی وجہ سے 10 لاکھ سے زائد انسان بے گھر ہو کر کسمپرسی کی زندگی گزارنے پر مجبور ہو چکے ہیں۔