مقبوضہ بیت المقدس – (روزنامہ قدس ـ آنلائن خبر رساں ادارہ) درجنوں یہودی آباد کاروں نے قابض اسرائیل کی پولیس کی حفاظت میں مقبوضہ بیت المقدس میں مسجد اقصٰی کے صحنوں میں داخل ہو کر بے حرمتی کی۔
مقامی ذرائع نے بتایا کہ یہودی آباد کاروں نے گروپوں کی شکل میں مسجد اقصٰی میں دھاوا بولا، اس کے صحنوں میں اشتعال انگیز گشت کیا، گانے گائے اور قابض اسرائیل کی فورسز کی حفاظت میں تلمودی رسومات ادا کیں۔
دوسری جانب قابض اسرائیل کی فورسز مسجد اقصٰی میں داخل ہونے کے خواہشمند نمازیوں کے خلاف اپنی سخت کارروائیاں جاری رکھے ہوئے ہیں، انہیں تنگ کیا جا رہا ہے اور مسجد سے دور رکھا جا رہا ہے۔
مسجد اقصٰی میں جمعہ اور ہفتہ کے علاوہ تقریباً روزانہ ہی یہودی آباد کاروں کی طرف سے قابض اسرائیل کی فورسز کی حفاظت میں دھاوے اور خلاف ورزیاں کی جا رہی ہیں، جس کے پیشِ نظر مسجد کی موجودہ حیثیت کو تبدیل کرنے اور اس کے اندر ایک نیا تلخ حقیقت مسلط کرنے کی کوششوں کے خدشات بڑھ گئے ہیں۔
