(روز نامہ قدس ۔آنلائن خبر رساں ادارہ ) اسرائیلی فوج نے بیتاگاؤں میں جبل صبیح کی جانب جانے والی سڑک جو فلسطینیوں کی جانب سے اسرائیلی حکام کے خلاف ہفتہ وار احتجاج کا مقام بن گیا تھا اس کومکمل طورپر تباہ کردیا ۔
مقامی ذرائع کے مطابق قابض صہیونی فورسز نے گذشتہ روز مقبوضہ مغربی کنارے کے شہر نابلس میں بیتا گاؤں سے جبل صبیح کی طرف جانے والی سڑک کو بلڈوزر کی مدد سے مکمل طورپر تباہ کردی سڑکیں تباہ کر دی جس کے باعث جنوبی مضافاتی علاقوں میں رہنے والے فلسطینی باشندوں کو اس نابلس شہر تک کسی بھی قسم کی رسائی کو روک دیا گیا ہے۔
مذکورہ علاقے میں صہیونی آبادکاروں نے غیر قانونی صیہونی بستی آباد کرنے کی اجازت حاصل کی ہے جس کے بعد مضافات میں رہنے والے فلسطینیوں کی زندگیوں کوخطرات لاحق ہوگئے ہیں۔
واضح رہے کہ اسرائیلی وزیر اعظم نفتالی بینیٹ نے کہا تھا کہ ہم جلد نئی یہودی بستیوں کی تعمیر شروع کریں گے ، حالیہ اسرائیلی فوج کی کارروائی بھی اس بیان کا ردعمل محسوس ہوتی ہے ۔