(روزنامہ قدس ۔آن لائن خبر رساں ادارہ) دبئی فضائی کمپنی ہے اسرائیلیوں کو 30 سے زائد ایسے ایئرلائنز اسٹیشنوں تک اپنا سفر جاری رکھنے میں مدد دے گی جہاں یہودیوں کی بڑی کمیونٹیزپائی جاتی ہیں۔
تفصیلات کے مطابق مشرق وسطیٰ کی سب سے بڑی فضائی کمپنی امارات ایئرگروپ کی جانب سے اعلان کیا گیا ہے کہ متحدہ عرب امارات اور صہیونی ریاست میں دوستانہ تعلقات قائم ہونے کے بعد سے اب امارات آئندہ ماہ سے دبئی اور تل ابیب کے درمیان یومیہ پروازیں چلائے گا۔
کمپنی نے بتایا کہ یومیہ سروس "(اسرائیل) میں صارفین کو ایمریٹس کے عالمی نیٹ ورک کے مختلف اسٹیشنوں پر سفر فراہم کرے گی جو 120 سے زیادہ مقامات پر محیط ہےجبکہ اسرائیلیوں کو 30 سے زائد ایسے ایئرلائنز اسٹیشنوں تک اپنا سفر جاری رکھنے میں مدد دے گی جہاں یہودیوں کی بڑی کمیونٹیزپائی جاتی ہیں۔
دبئی کی اس کمپنی کی جانب سے اسرائیل کیلیے یہ اقدام ایک ایسے وقت میں سامنے آیا ہے جب متحدہ عرب امارات اور اسرائیلی ریاست کے درمیان تجارتی بہاؤ کو بڑھانے کے علاوہ مختلف شعبوں میں ترقی کو آگے بڑھانے کے لیے وسیع تر اقتصادی تعاون کو فروغ دیا جارہا ہے۔
واضح رہے کہ تحدہ امارات کی اس فضائی کمپنی کےعلاوہ اب تک دو اور کمپنیاں”اتحاد ایئرویز”اور”فلائی دبئی” اسرائیل کے لیے کھولی جاچکی ہیں ، اسرائیل امارات کے یہ دوستانہ تعلقات 15 ستمبر2020ء کو سابق امریکی صدر ڈونلڈ ٹرمپ کی سرپرستی اور موجودگی میں واشنگٹن میں ابراہیم اکارڈ معاہدے پر دستخط کے بعد مضبوط تر ہوئے ہیں۔
