جنوبی لبنان ـ (روزنامہ قدس ـ آنلائن خبر رساں ادارہ) قابض اسرائیلی فوج نے پیر کے روز اعتراف کیا ہے کہ جنوبی لبنان میں جاری معرکوں کے دوران اس کے متعدد فوجی زخمی ہو گئے ہیں۔
قابض اسرائیلی فوج نے یہ دعویٰ کیا ہے کہ جنوبی لبنان میں ایک ڈرون حملے کے نتیجے میں صرف 8 فوجی زخمی ہوئے ہیں، تاہم یہ بیان ایک ایسے وقت میں سامنے آیا ہے جب صہیونی فوجی سنسر شپ نے اپنے حقیقی نقصانات کو چھپانے کے لیے مکمل میڈیا بلیک آؤٹ نافذ کر رکھا ہے۔
قابض اسرائیلی فوج کی جانب سے لبنان پر جارحیت کا سلسلہ مسلسل جاری ہے اور اس کے جنگی طیاروں نے جنوبی لبنان اور بیروت کے جنوبی مضافاتی علاقوں (الضاحیہ) پر شدید فضائی حملوں کی نئی لہر شروع کر رکھی ہے۔
دوسری جانب حزب اللہ نے قابض اسرائیلی فوج کے اجتماعات، فوجی ٹھکانوں، قصبوں اور متعدد علاقوں پر گولوں اور ڈرونز کے ذریعے حملے کیے ہیں، جبکہ مقبوضہ فلسطین میں قابض اسرائیلی فوج کی بستیوں اور بنیادی ڈھانچے کو بھی میزائلوں کے ذریعے نشانہ بنایا گیا ہے۔
