تہران – (روزنامہ قدس ـ آنلائن خبر رساں ادارہ) ایرانی وزارت صحت نےاس بات کی تصدیق کی ہے کہ گذشتہ 27 جون سے ایران پر ہونے والے امریکی حملوں کے نتیجے میں 53 مظلوم شہری شہید اور 592 دیگر زخمی ہو چکے ہیں۔
بین الاقوامی خبر رساں ایجنسی تسنیم نے بتایا ہے کہ وزارت صحت نے واضح کیا ہے کہ شہداء میں چھ خواتین اور 18 سال سے کم عمر کے تین نابالغ بچے شامل ہیں۔
زخمیوں کی فہرست میں 39 خواتین اور 18 سال سے کم عمر کے 23 بچے شامل ہیں۔
انہوں نے اس جانب اشارہ کیا کہ 535 زخمی طبی امداد حاصل کرنے کے بعد ہسپتالوں سے جا چکے ہیں جبکہ 36 دیگر زخمی ابھی تک ہسپتالوں میں طبی دیکھ بھال حاصل کر رہے ہیں اور 21 زخمیوں کو جائے وقوعہ پر ہی طبی امداد فراہم کی گئی۔
واضح رہے کہ امریکہ اور ایران کے درمیان عسکری محاذ آرائی واشنگٹن اور تہران کے درمیان مفاہمت کی یادداشت پر دستخط ہونے کے 35 ویں روز بھی تیز تر ہوتی جا رہی ہے اور سفاکانہ جنگ چھڑنے کے 144 دن بعد امریکہ نے ایران کے اندر مختلف اہداف پر ایک اور رات میں کھلی جارحیت کا مظاہرہ کرتے ہوئے حملے کیے ہیں جس کا تہران نے ڈرون حملوں اور جوابی کارروائیوں سے بھرپور جواب دیا ہے۔
