غزہ – روزنامہ قدس ـ آنلائن خبر رساں ادارہ
قابض صیہونی فورسز نے غزہ اور مقبوضہ مغربی کنارے میں فائرنگ اور پرتشدد کارروائیوں کے دوران مغربی کنارے میں 12 فلسطینی نوجوانوں کو شدید زخمی کر دیا ہے۔
دوسری جانب مقبوضہ مغربی کنارے میں چھاپہ مار کارروائیوں کے دوران اسرائیلی فورسز نے مزید 40 سے زائد فلسطینیوں کو حراست میں لے لیا۔ادھر اسرائیلی حکومت نے مغربی کنارے میں داخلے کے لیے آنے والے کینیڈا کے پارلیمانی وفد کو بھی سرحد پر روک دیا ہے۔
غیر ملکی میڈیا کے مطابق چھ کینیڈین اراکینِ پارلیمنٹ سمیت 30 رکنی وفد کو اردن کے ایلن بی کراسنگ سے آگے جانے کی اجازت نہ دی گئی۔ کینیڈین حکام نے اس اقدام کو تشویشناک قرار دیتے ہوئے کہا ہے کہ اسرائیل مقبوضہ علاقوں میں زمینی حقائق کے آزادانہ مشاہدے میں رکاوٹ ڈال رہا ہے۔