پابندیوں کے باوجود مسجد اقصیٰ میں بڑے اجتماع کے ساتھ جمعہ کی نماز ادا

مقبوضہ بیت المقدس (روزنامہ قدس ـ آنلائن خبر رساں ادارہ) شدید اسرائیلی پابندیوں اور سخت ناکہ بندی کے باوجود مسجد اقصیٰ میں جمعہ  کے موقع پر تقریباً ایک لاکھ فلسطینیوں نے نماز جمعہ ادا کی۔

مقامی ذرائع کے مطابق اسرائیلی فورسز نے نمازیوں کی آمدورفت محدود کرنے کے لیے متعدد چیک پوائنٹس قائم کیے اور کئی راستوں کو بند رکھا، تاہم اس کے باوجود بڑی تعداد میں فلسطینی مرد، خواتین اور نوجوان مسجد اقصیٰ پہنچنے میں کامیاب رہے۔

نمازیوں نے مسجد اقصیٰ کے صحنوں میں نماز جمعہ ادا کی اور قبلۂ اول کی آزادی کے لیے دعا کی۔ اس موقع پر سخت سیکیورٹی اور نگرانی کے باوجود پرامن عبادت کا سلسلہ جاری رہا۔

فلسطینی شہریوں نے اس موقع پر اسرائیلی پابندیوں کی مذمت کرتے ہوئے کہا کہ مسجد اقصیٰ میں عبادت سے روکنے کی کوششیں ان کے عزم کو کمزور نہیں کر سکتیں۔