اسرائیل کی رمضان المبارک میں فلسطینیوں کے مسجد الاقصی میں داخلے پر پابندی 

(روز نامہ قدس ۔آنلائن خبر رساں ادارہ) غیر قانونی صیہونی ریاست کا رمضان المبارک میں فلسطینیوں کے مسجد اقصیٰ میں داخلے پر نئی پابندیاں

عرب میڈیا کی ایک رپورٹ کے مطابق، غیر قانونی صیہونی ریاست نے ماہ رمضان کی آمد پر فلسطینیوں کے مسجد اقصیٰ میں داخلے پر مزید سخت پابندیاں عائد کرنے کا فیصلہ کیا ہے۔

رپورٹ میں صیہونی میڈیا کا حوالہ دیتے ہوئے بتایا گیا کہ رمضان المبارک میں صرف 55 سال سے زائد عمر کے مرد، 50 سال سے بڑی عمر کی خواتین، اور 12 سال یا اس سے کم عمر کے بچوں کو مسجد اقصیٰ میں داخلے کی اجازت دی جائے گی۔

اس کے علاوہ، غزہ میں جنگ بندی معاہدے کے تحت اسرائیلی جیلوں سے رہا ہو کر مغربی کنارے پہنچنے والے فلسطینیوں کو بھی مسجد اقصیٰ میں جانے کی اجازت نہیں دی جائے گی۔

مزید برآں، جو افراد مسجد اقصیٰ میں داخل ہونا چاہیں گے، انہیں پہلے سے صیہونی حکام کو درخواست دینی ہوگی، جبکہ رمضان کے دوران نماز جمعہ کے لیے صرف 10 ہزار افراد کو مسجد کے احاطے میں داخل ہونے کی اجازت دی جائے گی۔