عید کے دوران غزہ پر صہیونی حملے فلسطینیوں کی منظم نسل کشی کا ثبوت ہیں: حماس

(روزنامہ قدس ـ آنلائن خبر رساں ادارہ) حماس نے اپنے تازہ بیان میں کہا ہے کہ عید الاضحی کے پہلے دو دنوں میں غزہ پر صہیونی بمباری سے سو سے زیادہ فلسطینیوں کی ہلاکت صہیونی ریاست کی نسل کشی کی پالیسی کا واضح ثبوت ہے۔ تنظیم کے مطابق نیتن یاہو حکومت نے فلسطینی قوم کو مکمل طور پر ختم کرنے کا منصوبہ بنا رکھا ہے۔

حماس نے اپنے بیان میں مزید کہا کہ قابض صہیونی حکومت تمام بین الاقوامی قوانین اور انسانی اصولوں کی کھلی خلاف ورزی کر رہی ہے۔ بیان میں خاص طور پر جمعہ کے روز ہونے والے حملے کا ذکر کیا گیا، جس میں خضر خاندان کے چالیس سے زیادہ افراد شہید ہوئے۔ یہ تمام افراد عید کی خوشیاں منانے کے لیے ایک عمارت میں جمع تھے، جن میں بچے، خواتین، ڈاکٹرز اور انجینئرز شامل تھے۔

حماس نے عرب، اسلامی اور عالمی برادری سے مطالبہ کیا ہے کہ وہ اس وحشیانہ قتل عام کو روکنے کے لیے فوری اقدامات کریں اور نیتن یاہو سمیت صہیونی قیادت کو انسانیت کے خلاف جرائم کے لیے عالمی عدالتوں میں لایا جائے۔

تازہ ترین اطلاعات کے مطابق، صرف آج صبح سے ہی غزہ کے مختلف علاقوں پر اسرائیلی بمباری میں چھپن مزید فلسطینی جاں بحق ہوئے ہیں۔ ساتھ اکتوبر 2023 سے جاری اس جنگ میں اب تک چون ہزارساتھ سو بہتر فلسطینی شہید اور ایک لاکھ پچھیس ہزارساتھ سو چونتیس افراد زخمی ہو چکے ہیں جن میں سے بہت سے افرادکی حالت نازک ہے۔