الخلیل (فلسطین نیوز۔مرکز اطلاعات) اسرائیلی وزیر دفاع آوی گیڈور لائبرمین نے فلسطین کے مقبوضہ مغربی کنارے کے جنوبی شہر الخلیل میں قائم "حزقیا” کالونی میں صیہونیوں کو بسانے کے لیے 31 نئے گھر تعمیر کرنے کا اعلان کیا ہے۔
فلسطین نیوز کو موصول ہونے والی اطلاعات کے مطابق اسرائیلی وزیر دفاع کا کہنا ہے کہ وہ جلد ہی غرب اردن میں حزقیا کالونی میں مزید صیہونی آباد کاروں کو بسائیں گے۔ انہوں نے کہا کہ حزقیا میں صیہونیوں کو بسانے کے لیے 31 گھروں کی تعمیر کی حتمی منظوری جلد ہی دی جائے گی۔اسرائیلی وزیر دفاف نے کہا کہ ہم غرب اردن میں عملا صیہونی آباد کاری میں اضافہ کررہے ہیں۔ ہم صرف باتیں بہیں کرتے بلکہ عملی اقدامات کرتے ہیں۔