رام اللہ (فلسطین نیوز۔مرکز اطلاعات) ستمبر میں فلسطینی مزاحمت کاروں کی جانب سے مقبوضہ مغربی کنارے اور بیت المقدس میں صیہونی شرپسندوں،قابض فوج اور غاصب صیہونیوں پر 431 حملے کیے۔ یہ اعداد و شمار اسلامی تحریک مزاحمت ”حماس’’ کے شعبہ اطلاعات ونشریات کی طرف سے جاری کیے گئے ہیں۔
فلسطین نیوز کو موصول ہونے والی اطلاعات کے مطابق رپورٹ میں بتایا گیا ہے کہ فلسطینی شہریوں کی جانب سے مزاحمتی کارورائیوں کے لیے نئے اسالیب بھی اختیار کیے گئے۔ اسرائیلی فوج پر فائرنگ،چاقو کے حملے، سنگ باری،صیہونیوں کے ساتھ تصادم اور صیہونی شرپسندوں کے حملوں کی روک تھام کے واقعات سامنے آئے۔رپورٹ میں بتایا گیا ہے کہ فلسطینیوں کی طرف سے ستمبر میں فائرنگ کے چار واقعات، چاقو کے تین حملے، سنگ باری کے 11 واقعات ریکارڈ کیے گئے جب کہ دستی بموں کے متعدد واقعات بھی شامل ہیں۔
بیت المقدس اور غرب اردن میں 165 مزاحمتی حملے کیے گئے جن میں ایک صیہونی ہلاک اور 10 سے زائد زخمی ہوگئے۔
ستمبر میں اسرائیلی فوج کی فائرنگ سے غرب اردن میں تین فلسطینی شہید اور 165 زخمی ہوئے۔ ستمبر میں فلسطینیوں کے حملوں میں اگست کی نسبت اضافہ دیکھا گیا۔ اگست میں 388 مزاحمتی واقعات کا اندراج کیا گیا تھا۔