واشنگٹن (فلسطین نیوز۔مرکز اطلاعات) امریکہ میں فلسطینی سفیر نے کہا ہے کہ امریکی حکومت نے انہیں ملک چھوڑنے کا حکم دیا ہے۔
فلسطین نیوز کو موصول ہونے والی اطلاعات کے مطابق النشرہ کی رپورٹ رپورٹ میں بتایا ہے کہ امریکہ میں فلسطینی سفیر حسام زملط نے کہا ہے کہ امریکی حکومت نے انہیں اور ان کے اہلخانہ کو ملک چھوڑنے کا حکم دیدیا ہے۔انہوں نے کہا کہ امریکی حکومت نے ان کا اور ان کے اہلخانہ کا ویزا بھی منسوخ کردیا ہے۔
دوسری جانب معا خبررساں ایجنسی نے حسام زملط کے حوالے سے نقل کیا ہے کہ امریکی حکومت نے ان کا اور ان کے اہلخانہ کا ویزا منسوخ کردیا ہے حالانکہ ویزا کی مدت 2022 تک باقی تھی اور انہیں امریکہ سے نکل جانے کا حکم دیدیا ہے۔