رام اللہ (فلسطین نیوز۔مرکز اطلاعات) اسرائیلی فوج کی طرف سے ’جلبوع‘ نامی جیل پر دھاوے اور قیدیوں کو زدو کوب کیے جانے کے بعد قیدی مشتعل ہوگئے اور انہوں نے جیل کے ایک کمرے کو آگ لگا دی۔
فلسطین نیوز کو موصول ہونے والی اطلاعات کے مطابق اسرائیلی اسپیشل فورس کے اہلکاروں نے جلبوع حراستی مرکز پر دھاوا بولا اور وہاں پر موجود قیدیوں کو زدو کوب کیا اور ان کا سامان اٹھا کر باہر پھینک دیا، جس پر اسیران مشتعل ہوگئے۔ توہین آمیزسلوک اور تشدد پر فلسطینی قیدیوں نے جیل کے ایک کمرے میں آگ لگا دی۔عبرانی میڈیا کی رپورٹس میں بتایا گیا ہے کہ جیل میں سخت غم وغصے کی فضاء پائی جا رہی ہے۔ قیدیوں نے غصے میں آکر ایک کمرے اور اس میں موجود سامان کو آگ لگا دی۔
جیل حکام نے واقعے کے بعد جیل میں ہنگامی حالت نافذ کردی اور قیدیوں کو تشدد کے ذریعے دوبارہ کمروں میں بند کردیا گیا۔