رام اللہ (فلسطین نیوز۔مرکز اطلاعات) فلسطین نیشنل آفس برائے دفاع اراضی ومزاحمت صیہونی آباد کاری کی طرف سے جاری کی گئی ایک رپورٹ میں کہا گیا ہے کہ اسرائیلی حکومت نے صیہونی آباد کاروں کو 12 ہزار ہتھیار فراہم کیے ہیں جو فلسطینی آبادی کے لیے سنگین خطرہ ہیں۔
فلسطین نیوز کو موصول ہونے والی اطلاعات کے مطابق اسرائیل کے داخلی سلامتی کے وزیر گیلاد اردان نے ہے کہ ترمیم کے بعد نصف ملین صیہونی آباد کار اضافی ذاتی اسلحہ لائسنس حاصل کرنے میں کامیاب ہوجائیں گے۔عبرانی اخبار کے مطابق داخلی سلامتی کےوزیر گیلاد اردان کا کہنا ہے کہ انفرادی طور پر صیہونی آباد کاروں نے فلسطینیوں کے بے شما حملے ناکام بنائے۔ یہ سب انہیں مسلح کرنے کے نتیجے میں ہوا۔
ان کا کہنا تھا کہ جتنا جتنا صیہونی آباد کاروں کو اسلحہ استعمال کرنے کی تربیت دی جائے گی ان کی ہلاکتوں اور جانی نقصان کی تعداد میں کمی آئے گی۔
فلسطینی نیشنل آفس کی طرف سے جاری کی گئی رپورٹ میں کہا گیا ہے کہ غرب اردن میں صیہونی آباد کاروں کے ہاتھوں میں 12 ہزار ہتھیاروں کی موجودگی فلسطینی شہریوں کی زندگی کے لیے سنگین خطرہ ہے۔ رپورٹ میں کہا گیا ہے کہ صیہونی آباد کاروں کے ہاتھوں میں اتنے بڑے پیمانے پر ہتھیاروں کی فراہمی نسل پرستانہ سازشوں کا حصہ ہے اور اس کا مقصد فلسطینی آبادی میں خوف و ہراس پھیلانا ہے۔