غزہ (فلسطین نیوز۔مرکز اطلاعات) حماس نے کہا ہے کہ غزہ کی پٹی پر صدر محمود عباس اور فلسطینی اتھارٹی کی طرف سے عائد کردہ پابندیوں کی قیمت صیہونی ریاست کو چکانا ہوگی۔
فلسطین نیوز کو موصول ہونے والی اطلاعات کے مطابق حماس کے ترجمان ڈاکٹر سامی ابو زھری نے ایک بیان میں کہا کہ غزہ کی پٹی پرصدر عباس کی طرف سے عائد کردہ پابندیوں کے تسلسل کا ذمہ دار اسرائیل ہے اور قابض صیہونی ریاست کو اس کی قیمت چکانا پڑے گی۔ترجمان کا کہنا ہے کہ صدر عباس غزہ کی پٹی کے عوام پر پابندیوں کے نفاذ کے ساتھ ساتھ اسرائیل کے ساتھÂ سیکیورٹی تعاون بھی کررہے ہیں۔ غزہ کی موجودہ کشیدہ صورت حال کی تمام تر ذمہ داری صدر عباس اور صیہونی ریاست پر عائد ہوتی ہے۔