رام اللہ (فلسطین نیوز۔مرکز اطلاعات) فلسطینی صدر محمود عباس کی جماعت تحریک فتح کے ایک وفد نے فلسطینیوں کے قتل عام کی حمایت کرنے والے نام نہاد صیہونی صحافی کی موت پر گہرے دکھ کا اظہار کرتے ہوئے آنجہانی ’اوری اوفنیری‘ کے اہل خانہ سے تعزیت کی ہے۔
فلسطین نیوز کو موصول ہونے والی اطلاعات کے مطابق عبرانی اخبار ’معاریو‘ نے رپورٹ میں بتایا ہے کہ فلسطینی صدرمحمود عباس کے مشیر برائے خارجہ امور نبیل شعث کی قیادت میں ایک وفد نے اسرائیلی صحافی ’اوری اوینیری‘ کی تل ابیب میں منعقدہ تعزیتی کیمپ میں شرکت کی۔خیال رہے کہ ’اوری اوینیر‘ ’ھاگانا‘ نام صیہونی مافیا میں رہتے ہوئے فلسطینیوں کے قتل عام میں ملوث رہ چکا ہے۔