الخلیل (فلسطین نیوز۔مرکز اطلاعات) جولائی کے مہینے میں مقبوضہ مغربی کنارے کے جنوبی شہر الخلیل سے اسرائیلی فوج کے وحشیانہ کریک ڈاؤن کے نتیجے میں 85 فلسطینیوں کو حراست میں لے کر عقوبت خانوں میں ڈالا گیا۔
فلسطین نیوز کو موصول ہونے والی اطلاعات کے مطابق حماس کے شعبہ امور اسیران کی طرف سے جاری کردہ رپورٹ میں بتایا گیا ہے کہ جولائی 2018ء کے دوران غرب اردن کے جنوبی شہر الخلیل سے اسرائیلی فوج نے 12 بچوں اور 6 خواتین سمیت پچاسی فلسطینیوں کو حراست میں لیا۔رپورٹ میں بتایا گیا ہے کہ جولائی کے مہینے میں جون اور گذشتہ مہینوں کی نسبت کریک ڈاؤن میں اضافہ دیکھنے میں آیا۔
گرفتاری کی آڑ میں فلسطینیوں کے گھروں میں لوٹ مار اور توڑپھوڑ کی گئی اور شہریوں کو ہراساں کیا گیا۔
جولائی میں اسرائیلی حکام کی طرف سے الخلیل شہر کے 21 فلسطینیوں کو انتظامی قید کی سزائیں دی گئیں، 14 کی انتظامی قید میں توسیع کی گئی اور سات کو پہلی بار توسیع کی گئی۔