رام اللہ (فلسطین نیوز۔مرکز اطلاعات) اسرائیل کی ایک فوجی عدالت نے فلسطینی نوجوان کو ایک صیہونی آباد کار کو چاقو سے حملہ کرنے کی پاداش میں سات سال قید اور جرمانے کی سزا کا حکم دیا ہے۔
فلسطین نیوز کو موصول ہونے والی اطلاعات کے مطابق صیہونی ریاست نے 23 سالہ عمرو توفیق ابو ھلیل کو سات سال قید اور گیارہ ہزار شیکل جرمانہ کی سزا سنائی۔ ابو ھلیل کا تعلق مقبوضہ مغربی کنارے کے جنوبی شہر الخلیل کے دورا قصبے سے تعلق رکھتا ہے۔اسرائیلی فوج نے الزام عائد کیا ہے کہ ابو ھلیل نے ایک صیہونی آباد کار پر چاقو سے حملہ کرکے اسے معمولی زخمی کردیا تھا۔ جرمانے کی مد میں لی جانے والی گیارہ ہزار شیکل کی رقم متاثرہ صیہونی آباد کار کو ادا کی جائے گی۔