غزہ (فلسطین نیوز۔مرکز اطلاعات) اسلامی تحریک مزاحمت ’حماس‘ کے شعبہ اطلاعات کی طرف سے جاری ایک رپورٹ میں بتایا گیا ہے کہ جون 2018ء کے دوران فلسطینی شہریوں کی جانب سے اسرائیلی فوج کے خلاف 350 مزاحمتی کارروائیاں کی تھیں۔
فلسطین نیوز کو موصول ہونے والی اطلاعات کے مطابق رپورٹ میں غرب اردن اور مقبوضہ بیت المقدس کوشامل کیا گیا ہے۔ فلسطینیوں کی جانب سے اسرائیلی فوج پر فائرنگ، دستی بموں، پٹرول بموں اور سنگ باری کے واقعات کو شامل کیا گیا۔رپورٹ کے مطابق فلسطینیوں کی جانب سے اسرائیلی فوج پر جون میں فائرنگ کے تین واقعات، چاقو سے حملوں کا ایک واقعہ، گاڑی تلے روندنے کے چار واقعات کا اندارج کیا گیا۔ غرب اردن اور القدس میں فلسطینیوں اور اسرائیلی فوج کے درمیان براہ راست تصادم کے 133 واقعات رونما ہوئے۔
فلسطینیوں کی مزاحمتی کارروائیوں میں 16 اسرائیلی زخمی ہوئے۔ جب کہ غرب اردن میں دو فلسطینی شہید اور اسرائیلی فوج کی انتقامی کارروائیوں میں 123 شہری زخمی ہوئے۔
جون میں فلسطینیوں کی مزاحمتی کارروائیوں میں مئی کی نسبت کمی دیکھی گئی۔ مئی میں 664 واقعات رونما ہوئے تھے۔
جون میں الخلیل شہر میں سب سے زیادہ مزاحمتی واقعات ہوئے۔ الخلیل 78 واقعات کے ساتھ پہلے، رام اللہ 71 کے ساتھ دوسرے پر رہا۔ القدس میں 51، نابلس، بیت لحم اور قلقیلیہ میں بالترتیب 41، 39 اور 37 جنین میں 15، طولکرم میں 8، اریحا میں 8، سلفیت میں 3، طوباس میں 2 اورمجموعی طوپر 350 واقعات رونما ہوئے۔