غزہ (فلسطین نیوز۔مرکز اطلاعات) فلسطین کی ایک سرکردہ کاروباری شخصیت ڈاکٹر عدنان مجلی نے غزہ میں اسلامی تحریک مزاحمت ’حماس‘ کے سیاسی شعبے کے سربراہ اسماعیل ھنیہ سے ملاقات کی۔ اس موقع پر حماس کے سیاسی شعبے کے دیگر ارکان بھی موجود تھے۔
فلسطین نیوز کو موصول ہونے والی اطلاعات کے مطابق حماس کے دفتر سے جاری کردہ ایک بیان میں کہا گیاÂ ہے کہ جماعت کی قیادت اور کاروباری شخصیت کے درمیان فلسطین کی موجودہ صورت حال، غزہ کی پٹی کے عوام کو درپیش مشکلات اور ان کے حل کے حوالے سے ہونے والی کوششوں پر تبادلہ خیال کیا گیا۔ڈاکٹر المجلی نے کہا کہ وہ غزہ کی پٹی کے عوام کو درپیش معاشی مشکلات کے حل میں ہرممکن تعاون کرنے کے لیے حکومت کے ساتھ بھرپور مدد کریں گےÂ اور غزہ کے محاصرے کے اثرات کم کرنے کی پوری کوشش کی جائے گی۔