مقبوضہ بیت المقدس (فلسطین نیوز۔مرکز اطلاعات) اسرائیلی فوج نے آئندہ دو روز کے اندر فوجی مشقیں شروع کرنے کا اعلان کیا ہے۔ یہ مشقیں اچانک شروع کی جا رہی ہیں جو پہلے سے شیڈول میں شامل نہیں تھیں۔
فلسطین نیوز کو موصول ہونے والی اطلاعات کے مطابق اسرائیلی فوج کے ترجمان افیخائی ادرعی نے بتایا کہ فوج کی مواصلاتی شعبے اور ٹیکنالوجی سائبر اور دیگر یونٹوں کو ہنگامی مشقوں میں شامل کیا گیا ہے۔ ان مشقوں کا مقصد فوج کےÂ ٹیکنالوجی اور سائبر شعبے کو جنگ کے لیے تیار کرنا ہے۔ترجمان کا کہنا تھا کہ مشقیں آئندہ دو روز میں شروع ہوں گی اور ان کے لیے ’سیفرین‘ فوجی اڈے کی جگہ مختص کی گئی ہے۔ اس دوران زیادہ تعداد میں ٹریفک کی موجودگی میں مواصلاتی خدمات کے تجربات کیے جائیں گے۔ اس کے علاوہ فوجی کیمپ میں خطرے کے سائرن بھی بجائے جائیں گے۔