الخلیل (فلسطین نیوز۔مرکز اطلاعات) اسرائیلی فوج نے فلسطین کے مقبوضہ مغربی کنارے کے جنوبی شہر الخلیل میں صیہونی آباد کاری کے خلاف ایک پرامن تقریب کا انعقاد روک دیا اور تقریب منعقد کرنے والے متعدد سماجی کارکنوں کوحراست میں لے لیا۔
فلسطین نیوز کو موصول ہونے والی اطلاعات کے مطابق مشرقی الخلیل میں بنی نعیم کے مام پر ’الحمرا‘ کے مقام پر فلسطینی اراضی ہتھیانے کے خلاف ایک تقریب اور احتجاجی مظاہرہ کرنے کا اعلان کیا گیا تھا مگر اسرائیلی فوج نے فلسطینی شہریوں اور سماجی کارکنوں کو زدو کوب کرنے کے انہیں صیہونی آباد کاری کے خلاف سرگرمی سے روک دیا۔مقامی شہریوں کا کہنا ہے کہ اسرائیلی انتظامیہ الحمرا کے مقام کی اراضی کو ’بنی حیفر‘ نامی صیہونی کالونی میں ضم کرنا چاہتی ہے۔
اسرائیلی فوج نے مظاہرے کے مقام کو ممنوعہ علاقہ قرار دے کر صحافیوں ، فوٹو گرافروں اور دیگر سماجی کارکنوں سمیت 12 افراد کو حراست میں لے لیا۔ ان میں بنی نعیم بلدیہ کے اہلکار بھی شامل ہیں۔ حراست میں لیے گئے بعض افراد کو چھوڑ دیا گیا تھا۔