غزہ (فلسطین نیوز۔مرکز اطلاعات) اسرائیلی فوج نے فلسطین کےعلاقے غزہ کی پٹی پر توپ خانے سے گولہ باری کی جس کے نتیجے میں متعدد مکانات کو نقصان پہنچا ہے۔
فلسطین نیوز کو موصول ہونے والی اطلاعات کے مطابق اسرائیلی فوج نے غزہ کے وسطی علاقے میں حجر الدیک میں کوڑے کے ڈھیر پر 9 گولے برسائے۔مقامی شہریوں نے بتایا کہ اسرائیلی فوج کی طرف سے داغے گئے گولے ایک ویران علاقے میں گرے جن کے چھروں سے بعض گھروں کو نقصان پہنچا۔ تاہم کسی قسم کے جانی نقصان کی اطلاع نہیں ملی۔
ادھر اسرائیلی فوج کی طرف سے جاری کردہ ایک بیان میں کہا گیا ہے کہ اتوار کے روز فلسطینی مزاحمت کاروں نے فوجی کیمپ کے قریب پہنچ کر خود کش حملے کی کوشش کی تاہم اسے ناکام بنا دیا گیا۔
اسرائیلی میڈیا کے مطابق فدائی حملے کی کوشش کرنے والے چار فلسطینیوں کو گولیاں مار کر شہید کردیا گیاہے۔ آزاد ذرائع اور فلسطینی حکام کی طرف سے اس کی تصدیق نہیں کی جاسکی۔