الخلیل (فلسطین نیوز۔مرکز اطلاعات) اسرائیلی فوج نے فلسطین کے مقبوضہ مغربی کنارے کے جنوبی شہر الخلیل میں واقع ایک تاریخی مقام پر صیہونی آباد کاروں کے دھاوؤں کے لیے سیل کر کے اس میں فلسطینیوں کے داخلے پر پابندی عائد کر دی۔
فلسطین نیوز کو موصول ہونے والی اطلاعات کے مطابق اتوار کی شام سیکڑوں صیہونیوں نے شمالی الخلیل کے حرم الرامہ کے مقام پر دھاوا بولاÂ اور اس تاریخی جگہ کو گھیرے میں لینے کے بعد تمام داخلی اور خارجی راستوں کی ناکہ بندی کر دی۔حرم الرامہ کے کالونی کے وسط میں واقع ہونے اور صیہونی فوج کی بھاری نفری کی تعیناتی کے باعث ہزاروں کی تعداد میں مقامی شہری محصور ہو کر رہ گئے۔
عینی شاہدین نے نامہ نگار کو بتایا کہ صیہونی فوج کے دھاوے کا مقصد صیہونی آباد کاروں کے تاریخی مقام پر آمد و رفت میں انہیں سیکیورٹی مہیا کرنا اور ان کے لیے سہولت مہیا کرنا ہے۔
رپورٹ کے مطابق بعد ازاں مشرقی الخلیل کی حاجائی کالونی کے آباد کاروں کے تاریخی مقام میں گھس کر صیہونیوں نے وہاں مذہبی رسومات کی ادائیگی کے ساتھ ہلہ گلا کیا۔ وہاں پر موجود دالسلام اسکول کی طالبات کو ایک بس کے ذریعے فوری طورپر نکال دیا گیا۔
اس موقع پر صیہونی آباد کاروں نے اسکول بس پر سنگ باری کی جس کے نتیجے میں بس کے شیشے ٹوٹ گئے اور طالبات میں خوف وہراس پھیل گیا۔