مقبوضہ بیت المقدس ( فلسطین نیوز۔مرکز اطلاعات ) فلسطین کے مقبوضہ بیت المقدس شہر میں کل اتوار کو اسرائیلی فوج نے پُرامن شہریوں پر آنسوگیس کی شیلنگ اور براہ راست فائرنگ کی جس کے نتیجے میں 98 فلسطینی زخمی ہوگئے۔
فلسطین نیوز کو موصول ہونے والی اطلاعات کے مطابق اتوار کو القدس کے مشرقی قصبے ابو دیس میں فلسطینی شہریوں کی ایک ریلی کے موقع پر اسرائیلی فوج نے آنسوگیس کی شیلنگ کے ساتھ براہ راست فائرنگ کی۔ فائرنگ کے نتیجے میں دو فلسطینیوں کے سروں میں گہرے زخم آئے جب کہ دسیوں فلسطینی آنسوگیس کی شیلنگ سے متاثرہوئے ہیں۔عینی شاہدین کا کہنا ہے کہ ابو دیس میں فلسطینی شہریوں کی ’یوم الارض‘ کے حوالے سے چھ ہفتوں پر مشتمل احتجاجی تحریک کے دوران ریلی نکالی۔ اسرائیلی فوج نے مظاہرین کو منتشر کرنے کے لیے ان پر لاٹھی چارج کیا اور آنسوگیس کی شیلنگ کی گئی جس کے نتیجے میں متعدد فلسطینی زخمی ہوگئے۔
