غزہ ( فلسطین نیوز۔مرکز اطلاعات) اسلامی تحریک مزاحمت ’حماس‘ نے باور کرایا ہے کہ جمعہ کے روز یوم الارض پر فلسطینی قوم نے گھروں سے نکل کر اسرائیلی ریاست کے خلاف احتجاج ہی نہیں کیا بلکہ امریکی ۔ صیہونی دشمن کی صدی کی ڈیل کی گھناؤنی سازش کو بھی مسترد کردیا ہے۔
فلسطین نیوز کو موصول ہونے والی اطلاعات کے مطابق حماس کی طرف سے جاری کردہ ایک بیان میں کہا گیا ہے کہ یوم الارض پر فلسطینی قوم کا احتجاج اس بات کا ثبوت ہے کہ فلسطینی صدی کی ڈیل کی سازش کو تسلیم نہیں کرتے۔ فلسطینی قوم نے امریکی صدر ڈونلڈ ٹرمپ کی صدی کی ڈیلÂ اور اس کا پرچار کرنے والوں کے منہ پر زور دار طمانچہ مارا ہے۔حماس نے ترجمان فوزی برھوم نے کہا کہ ان کی جماعت اور فلسطینی قوم یوم الارض پر فلسطینی قوم نے گھروں سے نکل کر صیہونی اور امریکی سازشوں کے خلاف اپنے اتحاد کا ثبوت دیا ہے۔ اس احتجاج نے ثابت کردیا ہے کہ فلسطینی قوم کی نئی نسل آزادی کے لیے قربانی کے جذبے سے سرشار ہے۔
خیال رہے کہ حماس کی طرف سے یہ بیان ایک ایسے وقت میں جاری کیا گیا جب دوسری جانب فلسطین بھر میں یوم الارض ریلیوں اور مظاہروں کا سلسلہ جاری رہے۔ گذشتہ روز اسرائیلی فوج کی ریاستی دہشت گردی میں ایک درجن سے زائد فلسطینی شہید اور ہزاروں زخمی ہوگئے تھے۔