مقبوضہ بیت المقدس ( فلسطین نیوز۔مرکز اطلاعات) صہیونی فوج نے فلسطین کے مقبوضہ بیت المقدس شہر سے دو کم عمر فلسطینی بچوں کو حراست میں لیا ہے۔ ان پر شمالی بیت المقدس میں بیت حنینا میں صیہونی آباد کاروں کی ایک بس پر سنگ باری کا الزام عائد کیا گیا ہے۔ دونوں بچوں کی عمریں آٹھ اور 10 سال کے درمیان بتائی جاتی ہیں۔
فلسطین نیوز کو موصول ہونے والی اطلاعات کے مطابق اسرائیلی پولیس کی طرف سے جاری کردہ بیان میں کہا گیا ہے کہ فلسطینی بچوں نے شاہراہ 20 پر صیہونی آباد کاروں کی ایک بس کو سنگ باری کا نشانہ بنایا۔ گرفتار کیے گئے ایک بچے کی شناخت محمد مجدی عطیہ کے نام سے کی گئی ہے جس کی عمر آٹھ سال ہے۔گذشتہ روز اسرائیلی فوج نے فلسطینی شہریوں کے خلاف کریک ڈاؤن کے دوران 22 فلسطینیوں کو حراست میں لینے کے بعد نامعلوم مقام پر منتقل کردیا۔