مقبوضہ بیت المقدس ( فلسطین نیوز۔مرکز اطلاعات) اسرائیلی پولیس نے فلسطین کے مقبوضہ شہربئر سبع سے ایک فلسطینی نوجوان کو حراست میں لینے کا دعویٰ کیا ہے جس پر فدائی حملے کی منصوبہ بندی کا الزام عائد کیا گیا ہے۔
فلسطین نیوز کو موصول ہونے والی اطلاعات کے مطابق اسرائیلی پولیس نے سنہ 1948ء کےÂ مقبوضہ فلسطینی علاقے بئر سبع سے ایک فلسطینی شہری کو حراست میں لیا ہے۔ یہ کارروائی اس وقت کی گئی جب پولیس کو شبہ ہوا کہ ایک فلسطینی نوجوان فدائی حملے کی تیاری کررہا ہے۔پولیس نے علاقے میں سیکیورٹی ہائی الرٹ کرنے کے بعد بئرسبع میں کئی مقامات پر چھاپے مارے۔
عبرانی ٹی وی کا کہنا ہے کہ پولیس نے ایک فدائی حملہ آور اور اس کے ساتھی کو حڑاست میں لینے کے بعد تفتیش کے لیے نامعلوم مقام پر منتقل کردیا ہے۔