الخلیل ( فلسطین نیوز۔مرکز اطلاعات) اسرائیلی حکام نے ایک فلسطینی شہری کی جیل سے رہائی کے اعلان کے بعد اسے دوبارہ قید کردیا۔
فلسطین نیوز کو موصول ہونے والی اطلاعات کے مطابق 43 سالہ الشیخ اسماعیل طلب النطاح کو چار ماہ تک انتظامی قید میں رکھنے کے بعد دو روز قبل اس کی رہائی کا اعلان کیا مگر اسرائیلی پراسیکیوٹر جنرل نے اس کی انتظامی قید میں مزید چار ماہ کی توسیع کردی۔فلسطینی اسیران میڈیا سینٹر کی ترجمان امینی طوی نے بتایا کہ النطاح کو اس وقت جزیرہ نما النقب کی جیل میں ڈالا گیا ہے۔ اسرائیلی جیل حکام نے انہیں رہا کرنے کا فیصلہ کیا تھا مگر صیہونی پراسیکیوٹر نے رہائی کا فیصلہ مسترد کرتے ہوئے ان کی مدت حراست میں مزید چار ماہ کی توسیع کردی۔
الطویل نے بتایا کہ اسماعیل النطاح کےاہل خانہ کی رہائی کی خبر سن کر اس کے اہل خانہ کی بڑی تعداد جیل کے باہر انتظار کرتی رہی مگر طویل انتظار کے بعد انہیں بتایا کہ النطاح کو رہا نہیں کیا جا رہا ہے۔
خیال رہے کہ النطاح کو اسرائیلی فوج نے 23 جولائی 2017ء کو حراست میں لیا تھا۔ ان کا رہائشی تعلق اذنا قصبے سے ہے۔ تلاشی کے دوران اسرائیلی فوج نے ان کے گھرمیں بڑے پیمانے پر لوٹ ماراور توڑپھوڑ بھی کی تھی۔