مقبوضہ بیت المقدس ( فلسطین نیوز۔مرکز اطلاعات) فلسطین کے مقبوضہ بیت المقدس کے شمالی علاقے میں اسرائیلی ریاست نے ایک نئی صیہونی کالونی کے قیام کی منصوبہ بندی شروع کی ہے۔
فلسطین نیوز کو موصول ہونے والی اطلاعات کے مطابق عبرانی ہفت روزہ ’یروشلم‘ کی رپورٹ میں بتایا گیا ہے کہ نئی صیہونی کالونی میں ’گبعات زئیو‘ میں بسائے گئے 450 صیہونی خاندانوں کو آباد کیا جائے گا۔’نوفی اسرائیل‘ صیہونی کالونی کے مالک حانون کیز نے ایک بیان میں کہا ہے کہ صیہونی کالونی کا منصوبہ ان کی مساعی کا نتیجہ ہے۔ اس کالونی میں انگلو اسکونیہ نسل کے صیہونیوں کو آباد کیا جائے گا۔ مجموعی طورپر اس منصوبے کا تخمینہ 800 ملین شیکل لگایا گیا ہے جب کہ ایک رہائشی فلیٹ دو سے پانچ ملین شکل بتائی گئی ہے۔
عبرانی جریدے نے ہفتے کے روز کی اپنی اشاعت میں بتایا ہے کہ نئی صیہونی کالونی میں 400 رہائشی فلیٹس قائم کئے جائیں گے۔ ان میں سے 150 فلیٹس مختلف مقامات پر جب کہ دس منزلہ 13 پلازوں میں 240 رہائشی فلیٹس تعمیر کئے جائیں گے۔۔ نئی صیہونی کالونی میں 750 پچاس سے 800 ملین شیکل تک کی رقم خرچ کی جائے گی جب کہ 160 ملین شیکل بنیادی ڈھانچے کی تعمیر پر لگائے جائیں گے۔