مقبوضہ بیت المقدس (فلسطین نیوز۔مرکز اطلاعات) اسرائیلی حکومت نے امریکی سفارت خانے کی القدس منتقلی میں تیزی لانے کے لیے سفارت خانے کے لیے لائسنس کی شرط ختم کردی ہے۔
فلسطین نیوز کو موصول ہونے والی اطلاعات کے مطابق امریکی وزیرخزانہ موشے کحلون نے القدس میں امریکی سفارت خانے کی تعمیراور اس کے بنیادی ڈھانچے کے لیے سرکاری لائسنس کی شرط ختم کردی ہے، تاکہ سفارت خانے کی جلد از جلد منتقلی کا عمل آگے بڑھایا جاسکے۔ایک بیان میں موشے کحلون نے کہا کہ پلاننگ ڈویژن کے سربراہ کی حیثیت وہ امریکی سفارت خانے کی القدس منتقلی کا عملÂ تیز کرنے کے لیے اقدامات کے پابند ہیں۔ ان کا کہنا تھا کہ القدس اسرائیل کا ابدی دارالحکومت ہے دوسرے ممالک کے سفارت خانوں کو بھی القدس منتقل کیا جائے گا۔
عبرانی میڈیا کے مطابق امریکی سفارت خانے کی القدس منتقلی کے لیے 14 مئی کی تاریخ مقرر کی گئی تھی تاہم بیورکریٹک وجوہات کی بناء پر مؤخر کیا گیا ہے۔
حال ہی میں امریکی وزارت خارجہ کے عہدیداروں نے القدس کا دورہ کیا تھا۔ اس دورے کا مقصد امریکی سفارت خانے کی تل ابیب سے القدس منتقلی کے عمل کے لیے اقدامات کرنا تھے۔