نابلس (فلسطین نیوز۔مرکز اطلاعات) صیہونی فوج نے فلسطین کے مقبوضہ مغربی کنارے کے شمالی شہر نابلس مں بلاطہ پناہ گزین کیمپ میں موجود ایک فلسطینی اسیرہ علاء مرشود کے گھر پر دھاوا بولا۔
فلسطین نیوز کو موصول ہونے والی اطلاعات کے مطابق اسیرہ کے اہل خانہ نے بتایا کہ صیہونی فوج نے مقامی وقت کے مطابق فجر سے قبل تین بجے ان کے گھر کا گھیراؤ کر کے اس کی تلاشی لی۔ اسرائیلی فوج نے گھر میں موجود تمام افراد کو جگایا اور انہیں زدو کوب کرنے کے بعد اسیرہ مرشود کا موبائل کا موبائل بھی تلاش کیا۔ اسرائیلی فوج نے تمام افراد خانہ کے موبائل فون کی بھی چھان بین کی۔اسیرہ کے اہل خانہ نے بتایا کہ اسرائیلی فوج نے گھرمیں گھسنے کے بعد ہر چیز کو تل پٹ کرکے رکھ دیا۔
خیال رہے کہ فلسطینی دو شیزہ علاء مرشود کو دو ہفتے قبل حراست میں لیا گیا تھا۔ اسرائیل کی عدالت نے اسے مزید ایک ہفتے کے لیے پولیس کے حوالے کردیا ہے۔
علاء مرشود کو اسرائیلی فوج نے ایک مقامی حراستی مرکز طلب کیا۔ اکیس سالہ مرشود نابلس کی جامعہ النجاح کی طالبہ ہیں۔ وہ کچھ ہی عرصہ اپنے ایک بھائی اور ہمشیرہ کے ساتھ سعودی عرب سے واپس فلسطین لوٹی تھیں۔