مقبوضہ بیت المقدس (فلسطین نیوز۔مرکز اطلاعات) اسرائیل کے عبرانی ذرائع ابلاغ نے اپنی رپورٹ میں بتایا ہے کہ وزیراعظم بنجمن نیتن یاھو پر کرپشن کیس’4000‘ کی تحقیقات پر اثرانداز ہونے کے الزام میں انہیں پوچھ گچھ کا سامنا کرنا پڑ سکتا ہے۔
فلسطین نیوز کو موصول ہونے والی اطلاعات کے مطابق اسرائیلی وزیراعظم نیتن یاھو پر الزام ہے کہ وہ مبینہ کرپشن کیس’4000‘ کی تحقیقات کے دوران پولیس کے کام میں روکاٹیں کھڑی کرتے رہے ہیں۔عبرانی ٹی وی کی رپورٹ میں کہا گیا ہے کہ وزیراعظم کے سابق مشیر اور وعدہ معاف گواہ نیر حیفٹس نے وزیراعظم اور ان کی اہلیہ کے بارے میں کوئی بات مخفی نہیں رکھی ہے۔
حیفٹس نے تفتیش کاروں کو بتایا کہ وزیراعظم نے پیزک کمپنی کے ڈائریکٹر اور شاول اولفٹیش سے درخواست کی تھی کہ وہ وزیراعظم اور ان کی اہلیہ کے موبائل فون پیغامات حذف کردیں۔
خیال رہے کہ کرپشن کیس 4000 نیتن یاھو کی اس کرپشن کے گرد گھومتا ہے جس میں وہ مبنیہ طور پر ٹیلی کام کمپنی پیزک کے مالک اولفٹیش کو کروڑوں ڈالر کا فائدہ پہنچا چکے ہیں۔ اس کے بدلے میں پیزک ’وللا‘ عبرانی نیوز ویب سائیٹ پر وزیراعظم اور ان کی اہلیہ کی حمایت میں پروپیگنڈہ کرتے رہے ہیں۔