مقبوضہ بیت المقدس (فلسطین نیوز۔مرکز اطلاعات) فلسطین میں انسانی حقوق کی صورت حال پر نظررکھنے والے ایک ادارے کی طرف سے جاری کردہ رپورٹ میں کہا گیا ہے کہ چھ دسمبر 2017ء کو بیت المقدس کو اسرائیل کا دارالحکومت قرار دیے جانے کے امریکی اعلان کے بعد اب تک 40 فلسطینیوں کو اسرائیلی ریاستی دہشت گردی میں شہید کردیا گیا ہے۔
فلسطین نیوز کو موصول ہونے والی اطلاعات کے مطابق القدس اسٹڈ سینٹر کے اعداد و شمار میں اعلان القدس کے بعد اسرائیلی دہشت گردی کے آخری شہید غرب اردن کے نابلس شہر سے تعلق رکھنے والے عبدالرحمان بنی فضل ہیں۔ انہیں گذشتہ روز ایک صیہونی فوجی کو چاقو کے حملے میں ہلاک کرنے کے الزام میں گولیاں مار کر شہید کردیا گیا تھا۔رپورٹ کے مطابق اعلان القدس کے بعد امریکی اعلان کے خلاف اور دفاع القدس کے لیے سب سے زیادہ جانی قربانی اہالیان غزہ کی طرف سے دی گئی جہاں چھ دسمبر سے اٹھارہ جنوری 2018ء تک غزہ میں 22 شہداء کے جنازے اٹھائے گئے۔ ان میں دو فلسطینی مزاحمتی کمانڈر بھی شامل ہیں۔
شہداء تحریک دفاع القدس میں نابلس کے 6، الخلیل سے چھ، جنین سے چھ، اریحا، رام اللہ، سے دو دو، قلقیلیہ اور القدس سے ایک ایک فلسطینی شہید ہوا۔
عمر کے اعتبار سے 11 سال کے بچے سے ساٹھ سال کی عمر کے افراد کے شہداء شامل ہیں۔ شہداء میں 18 سال کی عمرکے 11 بچے شامل ہیں۔ ان میں 14 سالہ محمد سامی الدحدوح کا خون بھی شامل ہے۔
شہداء القدس میں حمدہ اور وھش الزبیدات کی عمریں 75 سال ہے۔ شہداء القدس میں 9 سالہ دلال دیب لولح کا تعلق نابلس سے ہے۔
سرطان میں قید فلسطینی حسین حسنی عطاء اللہ کا نام بھی شامل ہے۔ وہ اسرائیلی جیل میں اسرائیلی حکام کی مجرمانہ غفلت کے باعث شہید ہوئے۔ 33 سالہ یاسین السرادیح کو انتہائی قریب سے گولیاں مار کرشہید کیا گیا۔