اسلحہ کا حصول، مشرق وسطیٰ سب سے آگے،سعودیہ دوسرے نمبر پر

اسٹاک ہوم (فلسطین نیوز۔مرکز اطلاعات) اسٹاک ہوم میں قائم بین الاقوامی ریسرچ سینٹر کی جانب سے جاری کردہ ایک رپورٹ میں بتایا گیا ہے کہ پچھلے پانچ سال میں مشرق وسطیٰ کا خطہ اسلحہ کے حصول میں سب سے آگے رہا ہے جب کہ سعودی عرب دوسرے نمبر پر ہے۔

فلسطین نیوز کو موصول ہونے والی اطلاعات کے مطابق رپورٹ کے عربی ایڈیشن بہ عنوان ’حصول اور ترک اسلحہ اور عالمی امن‘ کے عنوان سے جاری کی گئی رپورٹ میں کہا گیا ہے کہ اسلحہ کے حصول اور اس کی تیاری پربجٹ خرچ کرنے والے ممالک میں سعودی عرب دوسرے نمبر پر ہے۔

انسٹیٹیوٹ کے ڈائریکٹر ڈان سمیتھ کا کہنا ہے کہ سنہ 2012ء کے بعد دنا بھر میں اسلحہ کی تجارت میں 11 فی صد اضافہ ہوا ہے۔ حالیہ تاریخ کا یہ غیرمعمولی اضافہ ہے۔

سویڈش ریڈیو سے بات کرتے ہوئے مسٹرسمیتھ نے کہا کہ اسلحہ کے حصول کے اعتبار سے مشرق وسطیٰ سب سے آگے ہے جب کہ دنیا بھر میں اسلحہ کے حصول اور اس کی تیاری پربجٹ صرف کرنے والے سات ملکوں میں سعودی عرب دوسرے نمبر پر آگیا ہے۔

ان کا کہنا تھا کہ فلسطین ، اسرائیل تنازع، خلیجی ملکوں کے باہمی تعلقات میں اتارو چڑھاؤ، شام، یمن، عراق، لیبیا اور مصر میں جاری خانہ جنگی اسلحہ کے حصول میں سب سے آگے ہیں۔