جنین (فلسطین نیوز۔مرکز اطلاعات) فلسطین میں انسانی حقوق کے حلقوں کی طرف سے جاری کردہ بیانات میں کہا گیا ہے کہ اسرائیلی زندانوں میں پابند سلاسل دو فلسطینیوں کو کئی ماہ کی انتظامی قید کے بعد رہا کر دیا گیا ہے۔
فلسطین نیوز کو موصول ہونے والی اطلاعات کے مطابق شہداء و اسیران فاؤنڈیشن کی طرف سے جاری کردہ ایک بیان میں کہا گیا ہے کہ 33 سالہ زیدان اشرف محمد الجدع کو 18 ماہ کی انتظامی قید کے بعد رہا کیا گیا۔ محمد الجدع کا تعلق غرب اردن کے شمالی شہر جنین کے برقین قصبے سے ہے۔شہداء فاؤنڈیشن کی طرف سے جاری کردہ بیان میں کہا گیا ہے کہ الجدع کو 30 اکتوبر 2016ء کو حراست میں لیا تھا۔ وہ شادی شدہ ہیں اور ایک بچے اور باپ کے والد ہیں۔ وہ ماضی میں بھی متعدد بار گرفتار کیے جاتے رہے ہیں۔ اسلامی جہاد سے تعلق کے الزام میں انہیں کئی بار حراست میں لیا گیا۔
اسرائیلی جیل میں قید ایک دوسرے فلسطینی 27 سالہ وعد عرفات مصطفیٰ الھدمی کو سات ماہ کی انتظامی قید کے بعد رہا کیا گیا۔ الھدمی کا تعلق الخلیل شہر میں صوریف سے ہے۔ اسے بغیر کسی الزام کے سات ماہ کے لیے پابند سلاسل رکھا گیا۔