الخلیل (فلسطین نیوز۔مرکز اطلاعات) اسرائیلی فوج نے فلسطین کے علاقے مقبوضہ مغربی کنارے میں گھر گھر تلاشی کی کارروائیوں کےدوران اسیر فلسطینی کی اہلیہ اور اس کے والد سمیت کم سے کم پانچ فلسطینیوں کو حراست میں لے لیا۔
فلسطین نیوز کو موصول ہونے والی اطلاعات کے مطابق صیہونی فوج نے فلسطین کے مقبوضہ مغربی کنارے کے شہروں سلفیت، الخلیل اور بیت لحم میں چھاپوں کے دوران متعدد فلسطینیوں کوحراست میں لے لیا۔ تلاشی کی کاروائیوں کے دوران کم سے کم پانچ فلسطینیوں کو حراست میں لے لیا گیا جن میں ایک اسیر کی اہلیہÂ اور والد بھی شامل ہیں۔عینی شاہدین نے بتایا کہ جمعہ کے روز اسرائیلی فوج کی بھاری نفری نے المدارس، راس الجورہ اور شاہراہ السلام، کریات اربع اور دیگر علاقوں میں گھر گھر تلاشی کی کاروائیوں کے دوران متعدد فلسطینیوں کو حراست میں لے لیا۔
عینی شاہدین نے بتایا کہ صیہونی فوج نے تلاشی کی کارروائیوں میں فلسطینیوں کے گھروں پر حملوں کے ساتھ ساتھ صوتی بموں کا بھی استعمال کیا ہے۔ حراست میں لیے گئے ایک فلسطینی شہری کی شناخت عرفات القواسمہ کے نام سے کی گئی ہے۔
الخلیل میں گھر گھر تلاشی کی کاروائیوں کے دوران بیت امر سے ایک فلسطینی شہری کے گھر میں گھس کر لوٹ مار اور توڑپھوڑ کی۔
مقامی فلسطینی سماجی کارکن محمد عوض نے بتایا کہ صیہونی فوج نے وسطی الخلیل میں تلاشی کے وران العین اور الجلدہ کے مقامات پر چھاپوں میں 20 سالہ عیسیٰ ھاشم عمر ارو دیگر فلسطینیوں کو حراست میں لے لیا۔
مقامی ذرائع کا کہنا ہے کہ الخلیل شہر کی شاہراہ السلام سے ایک فلسطینی عامر ربحی العویوی کو حراست میں لے لیا۔
ادھر جمعہ کے روز جنوبی بیت لحم میں تلاشی کے دوران اسرائیلی فوج نے اسیر فلسطینی عبدالمنعم محمد عمران صلاح کی اہلیہÂ نیفین صلاح اور ان کے والد 67 سالہ محمد عمران صلاح کو حراست میں لے لیا۔ خیال رہے کہ عبدالمنعم صلاحÂ کو دو سال قبل حراست میں لیا گیا تھا اور بغیر مقدمہ چلائے اسے قید رکھا گیا ہے۔
تلاشی کے دوران 24 سالہ شرف داؤد عبید کو سفلیت سے حراست میں لیا گیا۔