غزہ (فلسطین نیوز۔مرکز اطلاعات) فلسطینی بارڈر حکام کا کہنا ہے کہ مصر حکومت نے چار روز کے لیے رفح گزرگاہ کھولنے کا فیصلہ کیا ہے۔ اس فیصلے کے تحت آج سے رفح گزرگاہ کو کھول دیا گیا ہے۔
فلسطین نیوز کو موصول ہونے والی اطلاعات کے مطابق رفح گزرگاہ آئندہ ہفتے تک دونوں طرف کی آمد ورفت کے لیے کھلی رہے گی۔
ادھر مصرمیں متعین فلسطینی سفیر دیاب اللوح نے رفح گزرگاہ چار روز کے لیے کھولنے کے اعلان کا خیر مقدم کرتے ہوئے صدر عبدالفتاح السیسی کا خصوصی شکریہ ادا کیا ہے۔خیال رہے کہ دو روز قبل مصری حکومت کی طرف سے گذشتہ ہفتے چار روز کے لیے کھولنے کا اعلان کیا تھا تاہم بعد ازاں فیصلہ معطل کردیا گیا تھا۔ رفح گزرگاہ کو دو طرفہ آمد روفت کے لیے انسانی بنیادوں پر کھولنے کا اعلان کیا تھا۔
رفح گزرگاہ گذشتہ 12 سال سے بیشتر اوقات میں بند ہی ہے۔ اسرائیل نے سنہ 2007ء میں غزہ کی پٹی کا معاشی محاصرہ کرنے کے بعد اس پر پابندیاں عائد کردی تھیں۔ جبکہ گذشتہ برس اپریل میں بھی فلسطینی اتھارٹی نے انتقامی کارروائی کے تحت غزہÂ پر پابندی عائد کی تھیں۔