مقبوضہ بیت المقدس (فلسطین نیوز۔مرکز اطلاعات) فلسطین کے علاقے غزہ کی پٹی کی سرحد پر اسرائیلی فوج کا ایک ٹرک الٹنے سے متعدد اسرائیلی فوجی زخمی ہوگئے۔
فلسطین نیوز کو موصول ہونے والی اطلاعات کے مطابق عینی شاہدین نے بتایا کہ غزہ کی پٹی کی مشرقی سرحد پر دیوار سے چند سو میٹر کی دوری پر ابو صفیہ کے مقام پر ایک کیمپ کے قریب ٹرک الٹنے سے متعدد فوجی زخمی ہوگئے۔ذرائع کا کہنا ہے کہ اسرائیلی فوجی سول ٹرک پر سوار تھے۔ یہ ٹرک سرحد پر غزہ سے 300 میٹر دور تیز رفتاری کے باعث حادثے کا شکارہوا۔
اسرائیلی فوج نے حادثے کی تحقیقات شروع کردی ہیں۔