مقبوضہ بیت المقدس (فلسطین نیوز۔مرکز اطلاعات) اسرائیلی وزیراعظم بنجمن نیتن یاھو، وزیرخزانہ موشے کحلون اور وزیر برائے ہاؤسنگ و آباد کاری یوآو گالینٹ نے ایک منصوبے کی منظوری دی ہے جس کے تحت غرب اردن میں صیہونی آباد کاروں کو بسانے کے لیے مزید 13 ہزار مکانات کی تعمیر کو یقینی بنانا ہے۔
فلسطین نیوز کو موصول ہونے والی اطلاعات کے مطابق یہ مکانات جنوبی فلسطین کی ’نتیفوت‘ نامی صیہونی کالونی میں تعمیر کیے جائیں گے۔عبرانی نیوز ویب پورٹل ’0404‘ کے مطابق وزیراعظم نیتن یاھو نے نتیفوت صیہونی کالونی کی مقامی بلدیہ کی طرف سے تجویز دی گئی کہ کالونی میں مزید مکانات کی تعمیر کے احکامات جاری کیے جائیں۔ وزیراعظم نے ایک نئے حکم نامے کی منظوری دی ہے جس کے تحت نتفیوت کالونی میں مزید 13 ہزارÂ مکانات کی تعمیر جلد شروع کرنے کے احکامات جاری کیے گئے ہیں۔