الخلیل (فلسطین نیوز۔مرکز اطلاعات) فلسطین کے مقبوضہ مغربی کنارے کے جنوبی شہر الخلیل سے تعلق رکھنے والے 8 سالہ ننھے فلسطینی نے’عرب شطرنج چیمپیئن شپ‘ میں گولڈ میڈل جیت کر اپنی غیرمعمولی صلاحیت کا لوہا منوا لیا۔
فلسطین نیوز کو موصول ہونے والی اطلاعات کے مطابق 8 سالہ محمد ناجی در الخلیل شہر میں شہداء الاقصیٰ بوائز اسکول میں زیرتعلیم ہے۔ ننھے ہونہار فلسطینی بچے نے دبئی میں منعقدہ شطرنج کے عرب مقابلے میں حصہ لیا۔مقابلے میں دو الگ الگ گروپ بنائے گئے تھے۔ ایک گروپ میں 18 سال سے کم عمر کے بچے شامل تھے جب کہ دوسرے گروپ میں 12 سال اور اس سے کم عمر کے بچوں کو شامل کیا گیا تھا۔ مقابلہ 26 جنوری سے 4 فروری تک جار رہا۔
محمد سدر نے شطرنج کے کھیل میں اپنی صلاحیت کا مقامی سطح پر اس وقت لوہا منوا لیاتھا جب اس کی عمر صرف چھ سال تھی۔ سال 2016ء میں 12 سال کی عمر کے بچوں کے ساتھ مقابلہ کرتے ہوئے متعدد مقابلے جیتے تھے۔